Neste apartado analízase a formación ocupacional específica exixida polas empresas enquisadas aos seus futuros traballadores/as. A pregunta formulouse do seguinte xeito:
"¿Cal é a formación específica requirida na nova man de obra que actualmente está a buscar?"
Esta pregunta realizouse permitíndolle á persoa entrevistada expresar co maior grao de precisión o ámbito de capacitación demandado. As respostas obtidas valoráronse de 1 a 10, clasificándoas en termos cualitativos desde:
• Nada importante.
• Pouco importante.
• Indiferente.
• Algo importante.
• Importante.
• Moi importante.
As respostas agrupáronse en doce ámbitos ben definidos e clasificados segundo a súa frecuencia:
- Mariñeiro pescador.
- Mecánica (xeral, propulsión, CAD)
- Despezamento, corte, empaquetado e recoñecemento de peixe.
- Patrón local de pesca/Patrón costeiro polivalente.
- Estiba/Desestiba/Operador de guindastre/Pantaláns.
- Loxística do transporte marítimo.
- Manipulación de alimentos.
- Riscos laborais, prevención e seguridade portuaria.
- Idiomas.
- Transportista de mercadorías (internacional, perigosas, multimodalidade, alimentación)
- Electrónica/Telecomunicacións/Autómatas.
- Normativa sanitaria internacional en alimentación.
